به‌وێنه‌ ..دوێنێ شه‌و چۆن داعش به‌ده‌ستی هێزێكی كوردی كۆتایی هات ؟!

کوردستان 23/03/2019


چاودێر: دوێنێ شه‌و له‌دواهه‌مین هێرشی شه‌ڕڤانان و بۆردومانی فڕۆكه‌ جه‌نگیه‌كانی هاوپه‌یمانان زیاتر له‌ 200 تیرۆرستی داعش له‌ناو ئه‌شكه‌وتێكدا له‌باشوری باغۆز گیریان خواردبوو، گه‌مارۆداو داعشیان كۆتا پێهێنا.

چالاكوانێكی سیاسی له‌رۆژئاوای كوردستان بۆ چاودێر" ووتی: شه‌ڕڤانان گه‌مارۆی زیاتر له‌ 200 تیرۆرستی داعشیان له‌ناو ئه‌شكه‌وتێكدا دابوو، كه‌ زۆرینه‌یان بیانی و كه‌سانی سه‌ره‌كی داعش بوون.

وتیشی: خۆیان به‌ده‌سته‌وه‌ نه‌ده‌دا، بۆیه‌ تا ده‌هات گه‌مارۆكه‌ توندتر ده‌بوو، به‌تایبه‌ت كاتێك وه‌ك ره‌وشتێكی جه‌نگی چه‌ند جارێك داواكرا خۆیان به‌ده‌سته‌وه‌ بده‌ن، به‌ڵام ته‌نها ژماره‌یه‌كی كه‌میان نه‌بێت ئه‌وكاره‌یان كرد.

رونیشكرده‌وه‌:دواتر به‌ گازی فرمێسك رێژو بۆردومانی ئاسمانی هاوپه‌یمانان ژماره‌یه‌كیان لێكوژراوه‌و ژماره‌یه‌كی زۆریان خۆیان به‌ده‌سته‌وه‌ دا.

چالاكوانه‌كه‌ ووتی:هیچ كه‌سێكیان نه‌یانتوانی هه‌ڵبێن.