كاتی دابەشكردنی پارەی كارمەندانی كۆمسیۆن راگەیەندرا
چاودێر
دوای زیاتر لەچوار مانگ سەرەتای هەفتەی داهاتوو دەست بەدابەشكردنی پارەی كارمەندانی هەڵبژاردنی 30ی ئەیلولی پارلەمانی كوردستان دەكرێت.
بەپێی راگەیاندراوێكی فەرمانگەی هەڵەبجەی كۆمسیۆنی باڵای هەڵبژاردن و ڕاپرسی لەهەرێم، كە وێنەیەكی دەست چاودێر، كەوتووە، هاتووە"دوای تەواوكردنی كاری وردبینیكردنی ناوی كارمەندانی ئەو پارێزگایانەی وردبینیان تەواوبوە، لەسەرەتای هەفتەی داهاتوەوە پارەی كارمەندان لەپارێزگای هەڵەبجە خەرجدەكرێت و دابەشكردنی پارەكەش لەڕێگەی بانكەوە دەبێت".
ئاماژەبەوەشكراوە: لەئێستادا وردبینی پارێزگای هەڵەبجە تەواوبووە و كۆمسیۆن ڕەزامەندی لەسەر خەرجكردنی پارەی كارمەندانی ڕۆژی هەڵبژاردنی داوە.
لەراگەیاندراوەكەدا، باسلەوەشكراوە: سەرجەم كارمەندانی سەنتەری شارو ناحیەكانی سەر بەپارێزگای هەڵەبجە زیاتر لە 840 كارمەنددەبن و بەرپرسی وێستگە 200 هەزارو كارمەندانی دیكەش 150 هەزاریان پێدەدرێت، لەدوای هەڵەبجەش دابەشكردنی پارەی كارمەندانی ڕۆژی هەڵبژاردن لەسەرتاسەری كوردستان دەستپێدەكات.