ئەو خواردنانەی دەبنەهۆی زیادبونی شیری دایك
چاودێر:
شیردانی سروشتی بەباشترین رێگە دادەنرێت بۆ تێركردنی منداڵاَ، چونكە شیری دایك تەواوی بەها خۆراكیەكانی تێدایە كە دەبێتە هۆی پتەو بونی بەرگەری لەشی منداڵاَ بەرامبەر نەخۆشیەكان و ، هەروەها گەشەكردنی جەستەی و مێشكی.
لەو بارەیەوە پسپۆڕان رێنوێنی دەدەن بە دایكانی شیردەر كە كۆمەڵێك خۆراك هەیە دەبێتە هۆی زیاد بونی رێژەی شیردان، كە پێویستە لەكاتی شیر دان بەمنداڵاَ بیخۆن، ئەوانیش بریتین لەمانەی لای خوارەوە:
1. شۆڤان: برێكی زۆر پرۆتین و ڤیتامین و كانزا و ریشاڵی خۆراكی تێدایە و مادەی بیتا- گلوكانی تێدایە كەدەبێـتە هۆی زیاد بونی شیردان.
2. سپێناخ: ئەم رووەكە بڕێكی زۆر ماددەی ئاسنی تێَدایە و بە بژاردەیەكی باش بۆ زیاد بونی شیری دایك دادەنرێت.
3. سیر: بەخۆراكێكی ئەفسوناوی دادەنرێت بۆ زیادبونی شیری دایك و رێنوێنی دەدرێت دایكانی شیر دەر بەڕێژەیەكی زۆر بەكاری بهێنن.
4. شەربەتی میوە: رێنوێنی دایكانی شیردەر دەكرێت شەربەتی كاڵەك و هەنار و پرتەقاڵ و میوەكانی دیكە بخۆنەوە بەهۆی ئەوەی سودێكی زۆری هەیە بۆیان.
5. بادەم: دەوڵەمەندە بەكالیسیۆم و ئۆمیگا 3 كە ئەو ماددانە هۆڕمۆنی شیردان هان دەدەن.
6. جۆ: ئەم جۆرە دانەوێڵەیە دەوڵەمەندە بەماددەی بیتا- گلوكان و ریشاڵەكان كەدەبێتە هۆی زیادبونی شیردان و یارمەتیدەر بۆ شێدارهێشتنەوە جەستە.
7. قەیسی: سەرباری ئەوەی ئەم میوەییە بەسودە بۆ زیادبونی شیردان، هەروەها یارمەتیدەرە بۆ راگرتنی هاوسەنگی هۆڕمۆنەكان لەجەستەدا.
8. شیری مانگا: پێویستە رۆژانە دایكی شیردەر دووكوپ شیری بخواتەوە بەلایەنی كەمەوە و هەرچەندە زیاتر شیر بخواتنەوە رێژەی شیردان زیاد دەبێت و پارێزگاری لەرێژەی كالیسیۆم لەناو جەستەدا دەكات.
9. نۆك: دەوڵەمەندە بەماددەی ئاسن و ڤیتامینB و ریشاڵەكان و كالیسیۆم و سودێكی زۆری هەیە.
10. گێزەر: دەوڵەمەندە بەڤیتامین A یامەتیدەرە بۆ باشكردنی كوالیتی شیری دایك.
11. سەوزەوات: ئەو سەوزەواتانەی رەنگیان تۆخە وەك رێحانە و كەلەرم و هتد.... بەسەرچاوەیەكی باشی كالیسیۆم و ئاسن و ڤیتامین A و ڤیتامین K و فولیك دادەنرێت و سودێكی زۆری بۆ منداڵ و دایكی شیردەر هەیە.
12. خورما: دەوڵەمەندە بەماددەی ئاسن و كالیسیۆم بەسەرچاوەیەكی باش دادەنرێت بۆ پارێزگاری لەرێژەی گلوكۆز لەجەستەی ئافرەتی شیردەر.
13. ماسی سەلەمون: دەوڵەمەندە بە ماددەی ئۆمێگا 3 و چەورییە بنەڕەتیەكان كەئەویش پێكهاتەیەكی سەرەكی پێویستە بۆ بەرهەمێنانی شیری دایك.
14. پەتاتە: بڕێكی زۆر ماددەی بیتا- كاروتینی تێدایە و توانای زیادبونی شیری دایكی هەیە.
15. هێلكە: بەسەرچاوەیەكی ئۆمێگا 3 و ڤیتامینA و كالیسیۆم و ژمارەیەك رەگەزی دیكەی خۆراكی دادەنرێت كە جەستەی دایك پێویستی پێی هەیە لەكاتی شیردان.
راگەیاندنی تەندروستی سلێمانی