چى لە شانەکانت نایابترە؟
چەند شیعرێکی ڤیرا پاڤلۆڤا
وهرگێڕانى: زانا خهليل
(نایابتر)
_چى لە شانەکانت نایابترە؟
_ئەوەى بەرانبەر شانەکانمە.
_ئەى نایابتر لەوەى
بەرانبەر شانەکانتە؟
_لەپم.
_ئەى چى لە لەپت نایابترە؟
_پەنجەکانم.
_ئەى چى
لە پەنجەکانت نایابترە؟
_پەنجەکانت
کە پەنجەکانم و
لەپم دەگوشن.
ئاهـ..
دەی وەرە
وەک ئەنگوستیلەیێ
تا کۆتایى
هەر پەنجەیێ
لە پەنجەکانت
لە پەنجەتم بکە.
•
(چۆن هاوین
لە گوند دەگوزەرێنین؟)
بە دەنگى بەرز
دەخوێنینەوە
یەکتر ماچ دەکەین
ماچى دەم
لە تەک یەک
لە ژێر سێبەرى
گیاوگۆڵى سارا
رادەکشێین و
لە یەکتر دەپرسین:
ئایە کەڵەشێر
ئەندامى نێرینەى هەیە؟
•
(من ئەوە نیم کە بانگى دەکەن)
پیرەکان
بە ئەى کچى بچکۆڵە
بانگم دەکەن
پیاوەکان
بە ئەى کچە گەنجەکە
بانگم دەکەن
ژنەکان
بە ژنەکە
بانگم دەکەن
منداڵەکان
بە ئەى دایکە
بانگم دەکەن و
منیش ئاوڕیان لێدەدەمەوە و
تێدەگەم من ئەوە نیم
کە بانگى دەکەن.
•
(پیاوەتى)
شەو لە خەو رابوو
تێگەیشت کە دەمرێ
بۆیە چووە مەتبەخ
تا بێوەژنەکەى
بە خەبەر نەهێنێ.
•
(دەمەوێ بمرم)
دەمەوێ لە رۆژى
لە دایکبوونمدا بمرم
رێک لە رۆژى
ئاهەنگى لە دایکبوونم
دەمەوێ منداڵەکانمان
پارەى خوان و
شوێن و
باشترین شەراب و
مۆسیقاى زیندوو بدەن
دەمەوێ
دواى کردنەوەى
دیارییەکەت
بمرم.
•
(پارچە بچووکەکانى دڵ)
دڵت
وردوخاش بوو
ئێستا من بە پێخواسى
لەسەر پارچە
بچووکەکانى
دڵت
رێدەکەم.
•
ڤیرا پاڤلۆڤا (1963 ) ژنە شاعیرى رووسى.
_سەرچاوە: alqasidah.com