ڕۆمانی "شیرفرۆش"ی ئانا بورنز بووە براوەی مانبووکەری ٢٠١٨
ڕەخنەی چاودێر
ڕۆمانی "شیرفرۆش"ی ئانا بورنز،
بووە براوەی خەڵاتی مانبووکەری ئەمساڵ و هاوکات بووە یەکەمین نووسەری ئیرلەندای
باکوور کە ئەم خەڵاتە پەنجا هەزار پاوەندییە بە دەست دەهێنێت.
"شیرفرۆش" سێیەمین ڕۆمانی نووسەرە
و باس لە کچێکی هەژدە ساڵان دەکات کە لە ڕۆمانەکەدا ناوی نییە و لە لایەن پیاوێکی بەهێز
و بە تەمەنەوە کە بە شیرفرۆش ناسراوە دەستدرێژیی دەکرێتەسەر.
سەرۆکی کۆمەڵەی دادوەرانی مانبووکەر کە ناوی
ئانتۆنی ئایپایە و خۆشی فەیلەسوفێکی بەناوبانگە، ئاماژە بەوە دەدات ئەو ڕۆمانە بە
شێوەیەکی باوەڕپێنەکراو بێگەرد و بنەڕەتییە.
ئایپا هەروەها ئاماژە بەوە دەکات ڕۆمانەکە بە
پەرەگرافی درێژ و سەخت و ئاڵۆز نووسراوە کە خوێنەری ئاسایی ڕەنگە نەتوانن بە
ئاسانی بیخوێننەوە، بەڵام کۆمەڵەی داوەران دەڵێن ئەم ڕۆمانەیان بە پڕچێژەوە
خوێندووەتەوە.
ئانا بورنز درەنگ درەنگ دەنووسێت و لە
ماڵێکەوە بۆ ماڵێکی تر بەردەوام لە هاتووچۆدا بووە، سەبارەت بە وەرگرتنی خەڵاتەکە
دەڵێت: "بە پارەکە قەرزەکانم دەدەمەوە و بەوەی دەشمێنێتەوە پێی دەژیم."