نرخی نەوت بەرز دەبێتەوە
نرخی نەوت لە بازارەكانی جیهاندا بەردەوام لە بەرزبونەوەدایە ژمارەیەك وەبەرهێنەر باس لەوەدەكەن پێدەچێت نرخی یەك بەرمیل نەوت لە بازارەكانی جیهاندا بگاتە سەد دۆلار
بەیانی ئەمرۆ نرخی یەك بەرمیل نەوتی خاوی برنت 5 سەنت بەزبوەتەوەو گەیشتوەتە 85 دۆلار
لەگەڵ نزیكبونەوەی وادەی سەپاندنی سزا ئابوریەكانی ئەمریكا بەسەر ئێران دا نرخی نەوت بەردەوام لە هەڵكشاندایە ،ئێوارەی دوێنێ دووشەممە گرێبەستە دواخراوەكانی نەوت نزیكەی 2 دۆلار بۆ هەر بەرمیلێك بەرزبونەوەی بەخۆەوە بینی كە بە بەرزترین ئاست دادەنرێت لە ساڵی 2014 ەوە
وەبەرهێنەرانی نەوت پێش بینی دەكەن نرخی نەوت بەردەوام بەرزبێتەوە وتا كۆتایی ئەم مانگە نرخی یەك بەرمیل نەوت بگاتە سەرووی 90 دۆلار
شارەزایانی بواری نەوت رایانگەیاندوە بەرزبونەوەی نرخی نەوت و بەهێز بوونی دۆلار پێدەچێت لە ساڵی داهاتوودا زیان بە گەشەكردنی داواكاری نەوت بگەێنێت