کوردستان

حه‌شدی شه‌عبی له‌شه‌نگال نه‌كشاوه‌ته‌وه‌؟!

09/08/2018


چاودێرنیوز: دوای ئه‌وه‌ی ده‌نگۆی ئه‌وه‌ بڵاوكرایه‌وه‌، هێزه‌كانی حه‌شدی شه‌عبی له‌شه‌نگال كشابێتنه‌وه‌، به‌رپرسێكی یه‌كێتی ره‌تیده‌كاته‌وه‌و ئه‌و هه‌واڵه‌ به‌فیتنه‌ ناو ده‌بات.

خه‌یاس سورچی، كارگێڕی مه‌ڵبه‌ندی موسڵی یه‌كێتیی نیشتمانی كوردستان، به‌ چاودێرنیوز"ی راگه‌یاند: ئه‌و هه‌واڵه‌ی كه‌ بڵاوكراوه‌ته‌وه‌ حه‌شدی شه‌عبی له‌ قه‌زای شه‌نگال كشابێته‌وه‌ دووره‌ له‌ڕاستیه‌وه‌.

وتیشی: به‌داخه‌وه‌ لایه‌ن هه‌یه‌ ده‌یه‌وێت به‌وشێوه‌یه‌  فیتنه‌و ئاژاوه‌ له‌نێوان یه‌كێتیی و ئه‌و هێزه‌ی حه‌شدی شه‌عبی دروست بكات له‌و ناوچه‌یه‌.

رونیشكرده‌وه‌: قسه‌مان له‌گه‌ڵ حه‌شد كردوه‌، كه‌ هه‌ماهه‌نگی زیاتر بكرێت بۆ پاراستنی دۆخی ئه‌منی ناوچه‌كه‌ و هاووڵاتیان بۆ پاراستنی گیانیان له‌ هێرشی تیرۆرستی  داعش.